ನನ್ನ ರೂಮಿನಲ್ಲಾದ ಈದ್.....!! ಇದು ಬಹುತೇಕ ಪ್ರವಾಸಿಯ ಈದ್....

ನನ್ನ ರೂಮಿನಲ್ಲಾದ ಈದ್.....!!
 ಇದು ಬಹುತೇಕ ಪ್ರವಾಸಿಯ ಈದ್....
                            n.u.t - ತಬೂಕ್

       
ವಿಶ್ವದಲ್ಲೆಡೆ ಮುಸಲ್ಮಾನರು ಸಂಭ್ರಮ ಸಡಗರದಿಂದ ಆಚರಿಸುವ ಹಬ್ಬವಾಗಿದೆ ಈ ಬಕ್ರೀದ್. 

        ಅಂದು ಬಕ್ರೀದ್ ಹಬ್ಬದ ದಿನವಾಗಿತ್ತು.  
ಬೆಳಿಗ್ಗೆ ಫಜರ್ ನಮಾಝ್ ಮುಗಿಸಿ ರೂಮಿಗೆ ಬಂದೆವು. ಹೆಚ್ಚು ಹಸಿವಾಗಿದ್ದರಿಂದ ಕಾಲಿ ಹೊಟ್ಟೆಗೆ ಏನಾದರು ತಿನ್ನಲು ಅಡುಗೆ ಕೋಣೆಗೆ ತೆರಳಿದಾಗ, ಕಳೆದ ದಿನದ ದಾಲ್ ಕರಿ ಹಾಗೂ ಕುಬ್ಬೂಸ್ ರೆಡಿಯಾಗಿತ್ತು. ಅದನ್ನು ಹತ್ತಿರದಲ್ಲಿ ನೋಡಿದಾಗ ಹೊಟ್ಟೆ ತುಂಬಿದ ಅನುಭವವಾಯಿತು....!!

   ಹಬ್ಬದ ದಿನಗಳಂದು ಗೆಳೆಯನಾದ ಮುಸ್ತಫಾ ನನ್ನ ರೂಮಿಗೆ ಬರುವುದು ರೂಡಿ. ಅವರ ಕೆಲ ತಮಾಷೆಗಳೊಂದಿಗೆ ಅವರ ನಡವಳಿಕೆಯು ನಮ್ಮ ರೂಮಿನವರಿಗೆ ತುಂಭಾ ಹಿಡಿಸುವ ವ್ಯಕ್ತಿಯಾಗಿದ್ದರು. ಅವರ ತಮಾಷೆ ಹಾಗೂ ಮಾತಿನೊಂದಿಗೆ ಮಸೀದಿಗೆ ತೆರಳಲು ರೆಡಿಯಾಗತೊಡಗಿದೆವು. 

    ಆರು ನಲವತ್ತೈದಕ್ಕೆ ಮಸೀದಿಯಲ್ಲಿ ಪ್ರಾರ್ಥನೆ ಆರಂಭವಾಯಿತು. ನಮಾಝ್, ಖುತುಬಾದ ನಂತರ ಮಸೀದಿಯ ಹೊರಾಂಗಣದಲ್ಲಿ ನಿಂತಿದ್ದ ಪರಿಚಯಸ್ತರೊಂದಿಗೆ ಅಪ್ಪುಗೆಯ ಈದ್ ಮುಬಾರಕ್ ವಿನಿಮಯ ಮಾಡಿಕೊಂಡೆವು. 

      ಕೆಲವು ಸೆಲ್ಫೀ... ಹಾಗೂ ಫುಲ್ ಫೋಟೋ ತೆಗೆದ ನಂತರ ಸೀದಾ ರೂಮಿಗೆ ಬಂದೆವು.
   ಅತೀ ಪರಿಚಯಸ್ತ ಎರಡು ಮೂರು ಆನಿವಾಸಿ ಮಂಗಳೂರಿಗರ ಮನೆಗಳಿಗೆ ಭೇಟಿ ನೀಡಿ, ಮತ್ತೆ ರೂಮಿಗೆ ತಲುಪುವಾಗ ಸಮಯ ಸರಿಯಾಗಿ ಹತ್ತು ಘಂಟೆಯಾಗಿತ್ತು. 

         ***********

     ಅವನು ನನ್ನ ಸಹದ್ಯೋಗಿ. ಸ್ವತಃ ಮಂಗಳೂರಿಗನಾಗಿದ್ದು ಸೌದಿ ಅರೇಬಿಯಾದ ಈ ತಬೂಕ್ ಪ್ರದೇಶಕ್ಕೆ ಬಂದು ಮೂರ್ನಾಲ್ಕು ತಿಂಗಳಾಗಿತ್ತು ಅಷ್ಟೇ....!!
      ಇಲ್ಲಿ ಯಾರೂ ಅಷ್ಟು ಪರಿಚಯ ಇಲ್ಲವಾದುದರಿಂದ ಮಸೀದಿಯಿಂದ ನೇರವಾಗೀ ರೂಮಿಗೆ ಬಂದಿದ್ದ.
   ರೂಮಿಗೆ ಬಂದವನೇ ಮಲಗಳು ಎಲ್ಲಾ ಪೂರ್ವ ಸಿದ್ದತೆ ನಡೆಸಿದ್ದ. ಮನೆಗೆ ಫೋನ್ ಮಾಡಿ ತಾಯಿಯೊಂದಿಗೆ, ಈ ಮರುಭೂಮಿ ಪ್ರದೇಶದ ಈದ್ ಹಬ್ಬದ ಕುರಿತು ವಿವರಿಸುತಿದ್ದ...

    ಊಟ ಮಾಡಿದೆಯ ಮಗನೇ...??
 ಎಂಬ ತಾಯಿಯ ಪ್ರಶ್ನೆಗೆ ಉತ್ತರಿಸುತ್ತಾ...  
ಹಾಂ ಅಮ್ಮಾ....!!!
 "ಈಗ ತಾನೇ ಹೊಟ್ಟೆ ತುಂಭಾ ಬಿರಿಯಾನಿ ಉಂಡೆ" 
ಎಂದು ಹೇಳಿ, ದುಃಖದಿಂದ ಫೋನು ಕಟ್ ಮಾಡಿದ.

           ***********

ನಾನವನ ಬಳಿ ತೆರಳಿ ಯಾಕೆ ನೀನು ಅಮ್ಮನೊಂದಿಗೆ ಸುಳ್ಳು ಹೇಳಿದೆ. ನೀನು ಬೆಳಿಗ್ಗೆಯಿಂದ ಹೊಟ್ಟೆಗೆ ಏನೂ ತಿನ್ನಲಿಲ್ಲ. ರೂಮಿನಲ್ಲಿ ಯಾವುದೇ ಊಟ ಕರಿ ಮಾಡಲಿಲ್ಲ. ಮತ್ಯಾಕೆ ಸುಳ್ಳು ಹೇಳಿದೆ...? ಎಂದು ಕೇಳಿದೆ...
    ಹೌದು ನಿಝಾಂ.. ಸುಳ್ಳು ಹೇಳಿದ್ದು ಸತ್ಯ. ಅವರು ಮನೆಯಲ್ಲಿ ಅಮ್ಮ, ಅಪ್ಪ, ಅಕ್ಕ, ತಮ್ಮಂದಿರು ಒಟ್ಟಿಗೆ ಉಂಡು ಸಂತೋಷದಿಂದಿರುವಾಗ ನಾವ್ಯಾಕೆ ಸಂತೋಷ ಕೆಡಿಸಬೇಕು..? ಅವರಲ್ಲಿ ಸಂತೋಷದಿಂದಿದ್ದರೆ, ಅದುವೇ ಸಾಕು ಎಂದು ಹೇಳಿದ..

ಅವನ ಆ ಮಾತೇಕೋ ನಮ್ಮ ಮನ ನೋಯಿಸಿತು.

  ಕೂಡಲೇ ನಾನು ಮುಸ್ತಫಾ ಒಟ್ಟಿಗೆ ಸೇರಿ ಬಕಾಲ (ದಿನಸೀ ಅಂಗಡಿ) ಗೆ ಹೋಗಿ ಅಗತ್ಯ ಸಾಮಾನುಗಳನ್ನು ಖರೀದಿಸಿ ಬಿಸಿ ಬಸಿ ಬಿರಿಯಾನಿ ತಯಾರಿಸಿದೆವು. ಅವನಿಗೂ ನೀಡಿ, ಜೊತೆಗೆ ನಾವು ಹೊಟ್ಟೆ ತುಂಬಾ ಉಂಡೆವು. 
    ಅವನ ಮುಗುಳ್ನಗೆಯು ನಮಗೆ ಸಂಪೂರ್ಣ ತೃಪ್ತಿ ತಂದಿತ್ತು.
 
  ನಂತರ ಮಲಗುವ ಎಲ್ಲ ತಯಾರಿ ನಡಿಸಿ, ಳೊಹರ್ ನಮಾಝಿನ ಬಳಿಕ ಸಂಪೂರ್ಣವಾಗಿ ನಿದ್ದೆಗೆ ಜಾರಿದೆವು...

- ನಿಝಾಮುದ್ದೀನ್ ಉಪ್ಪಿನಂಗಡಿ ತಬೂಕ್

Comments

Post a Comment

Popular posts from this blog

ಪ್ರವಾದಿ ನಿಂದನೆ ಮತ್ತು ವರ್ತಮಾನ ಮುಸ್ಲಿಮರು.... ಜೀವನದ ಏರಿಳಿತಗಳು  ಸಹಜ , ಆದರೆ ಅದು ನಾಶ ಖಂಡಿತವಾಗಿಯೂ ಅಲ್ಲ. ದೇವರ ತೀರ್ಮಾನಿಸಿದ್ದರೆ ಖಂಡಿತವಾಗಿಯೂ ನಮಗೆ ಸಿಕ್ಕಿಯೇ ಸಿಗುತ್ತದೆ. ಅಂತ್ಯ ಪ್ರವಾದಿ ಮೊಹಮ್ಮದ್ ಮುಸ್ತಪಾ ( ಸ.ಅ ) ರವರ ಆ ಜೀವನ ಶೈಲಿ ಮತ್ತು ಸಂಸ್ಕೃತಿ ಪ್ರತಿಯೊಬ್ಬ ಮುಸ್ಲಿಮನು  ತಿಳಿದು ಕೊಲ್ಲದ ಪರಿನಾಮ ವರ್ತಮಾನ ಮುಸ್ಲಿಮರಲ್ಲಿ ಅದು ಎದ್ದು ಕಾಣುತ್ತಿದೆ.  ಬನೂ ಅಸದ್ ಗೊತ್ರದ 40 ವರ್ಷ ವಯಸ್ಸಿನ ವಿದವೆಯನ್ನು ಮದುವೆಯಾಗಿ ಅಂದು ಸೌದಿ ಅರೇಬಿಯಾದಲ್ಲಿ ಇದ್ದ ಕೆಟ್ಟ ಸಂಪ್ರದಾಯವನ್ನು ಮುರಿದರು, ಖದೀಜಾರವರೊಂದಿಗೆ ನಡೆಸಿದ ಆ ಮಾದರಿ ದಾಂಪತ್ಯ ಜೀವನ  ಸೌದಿ ಅರೇಬಿಯಾಅರೇಬಿಯಾದಲ್ಲಿ ದಾಂಪತ್ಯದ ಪಾವಿತ್ರಯತೆ ಕಲ್ಪಸಿತು. ಮಾದರಿ ದಾಂಪತ್ಯ ಜೀವನ , ಬಡವರ ಓಲೈಕೆ , ಹಸಿದವರ  ಸ್ವಾಂತಾನ , ನಿರ್ಗತಿಕರ ಕಣ್ಣಿರ ಒರೆಸಿ ನೆರೆಮನೆ , ಕುಟುಂಬ , ಊರಿಣ ಜನರ ಬಂದುಆಗಿ ಸಂಕಷ್ಟಕ್ಕೆ ಸಿಲುಕಿರುವವರ ಬಳಿಗೆ ತೆರಲಿ ಶಕ್ತಿ ತುಂಬಿ ಜನರಿಗೆಲ ಸಾಲನೀಡಿ ವಿಶ್ವಾಸ ಗಾರರಾಗಿದ್ದರು.  ನೆಬಿಯವರ ವಸ್ತ್ರದಾರಣೆ , ನಡವಳಿಕೆ , ಮಾತು , ನಗು ಮುಸ್ಲಿಮರಾದ ನಾವು ಅನುಸರಿಸಿ ಇತರರಿಗೆ ಮಾದರಿಯಾಗಬೇಕು, ಅದ ಬಿಟ್ಟು ನಾವಾಗಿಯೆ ಯಾವುದು ತಿಳಿಯದ ವಿಷಯಗಳ ಬಗ್ಗೆ ಚರ್ಚಿಸಿ ಪರಸ್ಪರ ಕಚ್ಚಾಡುದು ಇಸ್ಲಾಂ ಧರ್ಮ ನಿಂದನೆಗೆ ಸಮಾನ. ವರ್ತಮಾನದ ಮುಸ್ಲಿಮರು ತೊಡುವ ಈ ವಸ್ತ್ರ ,  ಕಾರು , ಮೊಬೈಲ್ ...
Read more

ಫಲ ಇಲ್ಲದ ಪ್ರತಿಭಟನೆ...          ಜನ ಮರುಳೋ.......?

ಫಲ ಇಲ್ಲದ ಪ್ರತಿಭಟನೆ...          ಜನ ಮರುಳೋ.......?       ಪ್ರತಿಭಟನೆ ಅಂದಾಕ್ಷಣ ತಮಗಾದ ಅನ್ಯಾಯವನ್ನು ವಿರೋಧಿಸಿ ನ್ಯಾಯ ದೊರಕಿಸಿ ಕೊಡುಲು ಒಟ್ಟು ಸೇರುವ ಜನ ಸಮೂಹವನ್ನು ಪ್ರಿಭಟನೆ ಎನ್ನುತಿದ್ದರು.       ಕೆಲವೋಂದು ಪ್ರತಿಭಟನೆಗಳು ವಿಕೋಪಕ್ಕೆ ತಿರುಗಿ ಮೂರು ದಿನ ಕಳೆದರೂ ಪ್ರತಿಭಟನೆಯ ಕಾವು ಕಡಿಮೆಯಾಗಿರುದಿಲ್ಲ.          ಕೆಲವೊಂದು ಯೋಜನೆಗಳನ್ನು ಸರ್ಕಾರ ಸ್ವಇಚ್ಚೆಯಿಂದ ನಡೆಸುದು, ಆ ಪ್ರದೇಶದ ಜನರು ಒಗ್ಗೂಡಿ ಹೋರಾಡುದು ಸರ್ವೆ ಸಾಮಾನ್ಯ.        ಕೆಲವು ಪ್ರತಿಭಟನೆಗಳು ಇನ್ನೊಂದು ಕೋಮಿನ ಮೇಲೆ ಅಪವಾದ ಹಾಕಿ ಪ್ರತಿಭಟನೆ ಮಾಡಿ ಜನರ ಸಿಳ್ಳೆ ಪಡೆಯಲಷ್ಟೇ ಯಸಶ್ವಿಯಾಗುದೇ ಹೊರತು ಬೇರೇನು ಪ್ರಯೋಜನವಿರೋದಿಲ್ಲ.        ಇನ್ನು ಎಷ್ಟೇ ಹೆದ್ದಾರಿ ಬಂದ್ ಅಥವಾ ರಾಜ್ಯ ಬಂದ್ ಅಥವಾ ಭಾರತ್ ಬಂದ್ ನಡೆಸಿದರೂ ನಮ್ಮ ಗುರಿ, ಪ್ರತಿಭಟನೆಯ ರೀತಿ, ಅದು ಸಾದ್ಯವೇ ಅನ್ನುವ ನಮ್ಮ ಕಾರ್ಯವೈಕರಿಯಿಂದ ತೀರ್ಮಾನಗೊಳ್ಳಬೇಕೇ ಹೊರತು, ನೂರಾರು ಮಂದಿ ಒಂದೆಡೆ ಸೇರಿದಾಗ ಯಾರು ನ್ಯಾಯಕೊಡಲು ಮುಂದೆ ಬರೋದಿಲ್ಲ.        ಪ್ರತಿಭಟನೆಯ ಹೆಸರಿನಲ್ಲಿ ಬೀದಿಗಿಳಿದು ಹೋರಾಟನಡೆಸಿ ಸಾರ್ವಜನಿಕರ ಆಸ್ತಿ ಪಾಸ್ತಿ ಸೊತ್ತು ನಷ್ಟಗೊಳಿಸಿ ಒಂದು ರೀತಿಯ ಸುಖಪಡೆಯುವನೇ ಜೊ...
Read more

ಜನಗಣತಿ

ಸುನ್ನಿ ಮುಸ್ಲಿಂ , ಬ್ಯಾರಿ ಮುಸ್ಲಿಂ.          ಯಾರಿಗೆ ಲಾಭ ಯಾರಿಗೆ ನಷ್ಟ....! ಜಾತಿ ಜನಗಣತಿ ವಿಚಾರದಲ್ಲಿ ಉಪಜಾತಿ ಎಂಬ ಕಾಲಂ ಹಿಂದೂಗಳಿಗೆ ಮಾತ್ರ .ಮುಸ್ಲಿಂಮರಲ್ಲಿ ಉಪಜಾತಿ ಇಲ್ಲದ ಕಾರಣ ಅವರಿಗೆ ಅನ್ವಯಿಸೂದಿಲ್ಲ. ಎಂಬ ಮಾತು ಇದೆ. ಒಂದು ವೇಲೆ ಮುಸ್ಲಿಮರ ಉಪಜಾತಿ ಕಾಲಂ ಇದ್ದರೆ ಬ್ಯಾರಿ ಮುಸ್ಲಿಂ ಎಂದು ಹಾಕಿ , ಯಾಕೆಂದರೆ ,           ಹೌದು ನಮ್ಮ ಕರ್ನಾಟಕ ರಾಜ್ಯದಲ್ಲಿ ಜಾತಿ ಜನಗಣತಿ ನಡೆಯುತ್ತಿದೆ . ಕರಾವಳಿ ಬಾಗದ ಜನ ಮುಸ್ಲಿಂ ಸಮುದಾಯದವರ ಗೊಂದಲ ತಾರಕಕ್ಕೇರಿದೇ . ಸುನ್ನೀ ಮುಸ್ಲಿಂ , ಸಲಪೀ ಮುಸ್ಲಿಂ , ಜಮಾಅತ್ ಮುಸ್ಲಿಂ , ಎಂದು ನಮ್ಮ ನಮ್ಮ ಅಸ್ತಿತ್ವ ತೊರಿಸಲು ಹೊರಟರೇ ನಮ್ಮ ಸಮುದಾಯಕ್ಕೆ ತುಂಬಲಾರದ ನಷ್ಟ ಉಂಟಾಗಲಿದೆ.            ಯಾಕೆಂದರೆ.., ಕರ್ನಾಟಕ ಸರಕಾರದ ಮುಂದಿನ ಯೋಜನೆಗಳು ಕರಾವಳಿ ಬಾಗದ ಬ್ಯಾರಿ , ತುಳು , ಕೊಂಕನಿ ಈ ಮೂರು ಪಂಗಡಗಳಿಗೆ ಅನುದಾನ ದೊರೆಯಲಿದೆ . ಇದರಲ್ಲಿ ಅಂದರೆ ಸುನ್ನಿಗಳು , ಸಲಪಿಗಳು , ಜಮಾಅತ್ ಇಸ್ಲಾಮಿಗರು ಎಲ್ಲಾ ಒಟ್ಟಿಗೆ ನಿಂತರೆ ಸರಕಾರದ ಅನೇಕ ಸವಲತ್ತುಗಳು ಬ್ಯಾರಿ ಸಮುದಾಯದ ಪಾಲಾಗಲಿದೆ .        ಸುನ್ನಿ ಮುಸ್ಲಿಂ , ಸಲಪೀ ಮುಸ್ಲಿಂ , ಜಮಾಅತ್ ಮುಸ್ಲಿಂ, ಎಂದು ಬೇರೆ ಬೇರೆ ಪಂಗಡದ ಹೆಸರು ಉಪಜಾತಿ ಕಾಲಂನಲ್ಲಿ ಹಾಕಿದರೆ ಏನು ತೊಂದರೆಯಿಲ್ಲ ,...
Read more